إكتب إسم الشاعر واللي بعدك يكتب قصيدة له

[emperor of love]

بسم الله الرحمن الرحيم

السلام عليكم ورحمة الله وبركاته

هذى فكرة وليست جديده وانما نحن نجددها بارتقاءنا الى كل مامن

شانه زيادة ثقافتنا الادبيه بشكل عام


(الفكــرة )

كل عضــــو يكتب اســم شــاعر واللي بعـــدهـ يكتـب مقــطــع من

قصيــدة لــهذا الشاعر

وهكــذا تكــون دائــرة الـــموضــوع

أتمنـــى تكون لامسة مقام اعجابكم



والبدايـــة

( الشاعر عبدالله الفيصل )

ووسيلتي قــــــلب به
مثواك إن عزت وسيـــــله
فلترحمي خفقــــــانه
لك واسمعي فيه عــويله
قلب رعاك وما ارتضى
في حبه أبدا بديــــــــــل
^
^
^

اقتبستها من احدى ردود حبيب الملايين



الي بعدي اذا اعجبتكم الفكره...


الشاعر( الامير بدر بن عبد المحسن)

م / ن

[عذب الغرور]

الشاعر( الامير بدر بن عبد المحسن)

من كُتب الحب العتاق .. وتاريخ القراق
وستاير الدمع الرقاق ..
جمعت قلبي غبار .. وقطع فخار ..
ومن على المرمر البارد ..
ومن ما نسته النار .. من غيمي المحروق ..
وحملت عيوني وركبت أول سفينه تبحر ..

على وجهي الاصفر .. خريفٍ طال ..
وسلال من رذاذ وملح ..
وفي صدري حجارة نسيوها بحاره ..
مروا علي فـ يوم ..
وقالوا تعال معنا .. وما كان يجمعنا ..
إلا الضياع والريح ..

راجع من الايام .. من الاحلام ..
ومن الف سناره .. مغروسة بقلبي ..
لقيت لي بشارة .. ما اغلى عطا ربي ..
أثر العمر ساره .. وموج البحر ساره ..
وكل المدى ساره ..
سافرت كل العمر .. وراجع احب سارة

فيصل اليامي ,,,

أشكرك امبراطور ..

دمت بود وحب ,,

[رغد]

تسلم يارب امبراطور

الفكرهـ روعـــــــه بجد

احم ياعيني

على فيصل الياامي

اشعاااره مره رووعه

بصرااحه ذووق عذب


لعيونك
لعيونك اللي علمت قلبـي الطيـش""والبسمه اللي نـورت لـي مكانـي
ورموشك اللي كنها للعـدو جيـش""اني لأخلي الليل لـه شكـل ثانـي
دامك وصلتي والحكي صار بشويش""وشلون انا ماأقول شعـر وأغانـي
طفل المشاعر بيننـا علـه يعيـش""يلقى له ام ٍ تحرسـه واب حانـي
وشللي دخل بالنوم ووسادة الريـش""ما دام حضنك ضمنـي واحتوانـي


الي بعدي

خالد المريخي

[emperor of love]

اشكركم

عذوووبة

و

رغووودة

على تفاعلكم بالموضوع

وانتم منورين الموضوع ..!!
..

ماجا على بالي خطاك انت بالذات
لا تعتذر كافي يجي منك اكثر


مات الغرام اللي لك بداخلي مات
ماعاد ينفعك العذر لو تعذر

ما اقدر خلاص اتحمل اليوم غلطات
ما اكذب عليك انا بديت اتغير


بسكات انا جيتك وبروح بسكات

قصرت وسواتك معي ماهي سوات
هذا مع اني فيك ماكنت اقصر
ابي ابتعد واقول ذا مقدر



طوفت لك مره ومره ومرات
وصبرت بس اني اليوم ماظني اصبر


واليوم انا نادم على كل مافات
لا تعتذر مادام عذرك تأخر


هذا جزاي اعطي ولا اقلك هات
انا اللي استاهل يجي منك اكثر

^^

هذا لخالد المريخي

..

اللي بعدي

حامد زيد ..!!

..

لاعدمتكم ..!!

[هويتك بسكآت]

المميز امبراطور الحب

يعطيك العافيه


مــــن يوم فرقانا الى يومنا اليوم
مافــات يـــوم الا وهي مشغلتني
إليـا غفيت اشوفها في حلا النوم
واليا صحيت بكل الافكار جتنـــي
عشــقتها مـــن قلب ميس ومحروم
وتـــركتها يــــــوم انها عاندتني
نار تـشــــب بداخل القلب بسـموم
حـــاولت اطفي ضوها واحرقتني
دنيا ثقــيلة كلـــــها هموم بهموم
كنــي حملت جبالها فوق متنــي


اللي بعدي

ناصر الفراعنه

[عذب الغرور]

ناصر الفراعنه

ناقتـي ياناقـتـي لاربــاع ولاسـديـس
وصليني لابتي مـن وراء هـاك الطعـوس
حائلاً رابع سنه من خيـار العيـس عيـس
خفهـا لادرهمـت كنـه بالنـار محسـوس
في دجى خالي خـلا لاحسيـس ولانسيـس
تنوخذ من شدة البـرد طقطقـة الظـروس
في عيوني يكفخ الطيـر ويطيـح الفريـس
وانتهض جساس من دون خالته البسـوس
وفي خفوقي فرخ جنيتاً يضـرس ضريـس
يوم اوردها هجـوس واصدرهـا هجـوس
ديرتي دار ابن ضاري وابن غثلـم جريـس
ديرة اللي دوجوا في فيافـي نجـد جـوس
ديرتـي يابنـت شيخـاً ومعدنهـا نفيـس
عيطموسـاً دونهـا دثرتنـي عيطـمـوس
جادلاً مطرق جسدها مـع الغربـي يميـس
طينتاً من تربـة الخلـد والـدم محمـوس
نقشت خمساً من الخمس في يوم الخميـس
ليـت شعـري مـا ارادت بهـذا دختنـوس
كـم تمنـا إن معـه مثلهـا فتنـه بليـس
كان يمكن قد قلب نصـف إمتنـا مجـوس
كن دماث الصدر منهـا كنيسـه او كنيـس
صومعة رهبـان ديـراً يـؤدون الطقـوس
آتقـوس مـع تقـوس نواهدهـا وإقيـس
قبتين قـاب قوسيـن قوسـاً جنـب قـوس
خصرها يحكي لنـا واقـع القـوم التعيـس
وردفها عن غطرسة بـوش يعطينـا دروس
وبالرغم من قصرهـا مايجالسهـا جليـس
تصبح أطول نسوة الارض في وضع الجلوس
العروسه ماتبي غير ابـو تركـي عريـس
العروسه نجـد ماهيـب حـي الله عـروس
نجد بنت المجد ونسـة مونسـة الونيـس
ماعسفها الا معزي ضحى اليـوم العبـوس
كل اهل نجد هلي من إجاء حتـى الخميـس
في ذراهم بالتجي عـن مجففـة الرسـوس
وعيشتي مابين أسوداً ولـو مانـي رئيـس
(خير من كوني رئيساً على شلقـة تيـوس)
وليس عيباً إن خدعني بمكـره كـل هيـس
لان مايفهـم بمكـر الهيـوس الا الهيـوس
مصطفى في مأدبـة عمـه البابـا لويـس
كبر اللقمه تحـت ضـؤ حمـراء الكـؤوس
وطسم حدتها على حائـط المبكـى جديـس
يوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس
دونها سمر الحناجـر بترهـا حـد مـوس
قسقسـة لاحرارهم.قيس.قيس.قيس.قيـس
والبستهم مـن مهانتهـم انـواع اللبـوس
بين خدعة كعـب اخيـلاً ومولـد ادونيـس
درسونـا الالهـه والمـدرس هـنـا روس
ويش لاقوا من قناة السويس اهل السويـس
وويش لاقوا من تلمسان قوماً من سنـوس
كلهم من شـدة الجـوع راحـوا خندريـس
بين غيبوبة مخدر وصحوة عـرق سـوس
ثـورة راحـوا سببهـا بتـوع الاتوبيـس
وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس
والنفوس اليا بغيت اتعرفهـا ارم الفلـوس
ينكشف زيف الشعارات الى حمي الوطيـس
ترجع الاذناب إذناب وتبقـى الـروس روس
صدق لاقال العرب مايحـوص الا الخسيـس
ولايوط الروس شئياً مثل ضعـف النفـوس

محـــمــد السهلي ,,

^^^^

[نزف المشاعر]

الله يعطيك العافيه اخوي امبراطور على الفكره الي بجد رائعه تسلم يارب




عذب قصدك محمد جارالله السهلي



لا صرت بايعني اشوفك على خير مع السلا مه دام مابه سلامه

قلت انتهينا وقلتلك خير ياطير ماني بأول شخص يخسر غرامه

بعلمك حبكه وفكره وتصوير وافهم عدل مايدعي بالافهامه

وجه الشعر أبيض ويحتاج تغير كذا يكون بخدك الشعر شامه

يصدق معي تعبير ويخون تعبير ياضيعة الشاعر بو قت انسجامه

يمكن خطأ ادونك بشعر مير لو ماحترمتك للغرام احترامه

مكان حبك غير بس طعنتك غير علمتني معنى الندم والندامه
مجاك مني اي زله وتقصير كل ماخطيت اعتبك ببتسامه
حسبي على الذكرى أذا هبت عصير ماعاد تنفع شرهتي والملامه

والبال ضايق وقتها والفكر بير خسرتك وهمي كسبت اهتمامه

والا يا عزم هاليل ضيقه وتفكير قلي بربك كيف بقدر أنامه

مافيه داعي للعتب والمعاذير الغدر خال الجرح واطيب عمامه

أما يجيب الله مطر تالي وخير والا السلامه ماش مامن سلامه






الي بعد


سعد علوش

[رغد]

مابي الدنيا.....؟ أبيك أنت لانك انـت.؟غيـر.
جيت فحضانك.. طفل.. وأنت أبـوي وسمنـي..

شوف فوق....؟ وغن بسمي على اللحن القصير.
وخصني.؟ في كل لمحـة غـرااام وعمنـي...

بشعـل الدنـيـا عبـيـر وبطفيـهـا عبـيـر.
ولالالالالا بناشد. من مدحني ولالالالا من ذمني..

جيـت للدنيـا كبيـر.. وبفاارقهـا.؟كبـيـر..
ومــن زعــل مـاهـمـنـي..ومـن رضـى مـاهـمـنـي..

وهذا هو سعد علوش

الي بعد

الامير نواف بن فيصل

[نزف المشاعر]

الحمد لله على كل حال سافرت يارغد






اسير الشوق يقول طبعا مقتطفات من هاذه القصيده الجميله المغناه من الفنان محمد عبده

حاولت اختار اجمل الابيات



اسمحيلي يالغرام يالعذب يالوجه السموح

انحدر كلي كم طفل تحدر مدمعه

عودي المبري مبقابه من بقايا الوقت روح

وفصل خامس حاير بين الفصول الأربعه

اشتكي لو سادتي دنياي واسمعها تنوح

كنها بعضي وبعض وين هو من هو معه

اسمحيلي دام عذري واضح كل الوضوح

اسمحيلي بالرحيل بلا تذاكر وأمتعه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ



الي بعدي للشاعر
نزار قباني

[احساس انثى]

يسلموو.. ع الموضوع المميز..

أحبك جدا
واعرف ان الطريق الى المستحيل طويل
واعرف انك ست النساء
وليس لدي بديل
واعرف أن زمان الحبيب انتهى
ومات الكلام الجميل
لست النساء ماذا نقول..
احبك جدا..
احبك جدا وأعرف اني أعيش بمنفى
وأنت بمنفى..وبيني وبينك
ريح وبرق وغيم ورعد وثلج ونار.
واعرف أن الوصول اليك..اليك انتحار
ويسعدني..
أن امزق نفسي لأجلك أيتها الغالية
ولو..ولو خيروني لكررت حبك للمرة الثانية..
يا من غزلت قميصك من ورقات الشجر
أيا من حميتك بالصبر من قطرات المطر
أحبك جدا واعرف أني أسافر في بحر عينيك دون يقين
وأترك عقلي ورأيي وأركض..أركض..خلف جنوني
أيا امرأة..تمسك القلب بين يديها
سألتك بالله ..لا تتركيني
لا تتركيني..
فما أكون أنا اذا لم تكوني
أحبك..
أحبك جدا ..وجدا وجدا وأرفض من نار حبك أن أستقيلا
وهل يستطيع المتيم بالحب أن يستقيلا..
وما همني..ان خرجت من الحب حيا
وما همني ان خرجت قتيلا

وانا ابي لشاعر طلال الرشيد

[emperor of love]

الليلة إحساسي غريب

عاشق ونا مالي حبيب

حبيت كل الناس لاموني

حبيت كل الناس باعوني

قلت أحب الحب أحسن

قلت أحب الحب أضمن

لا أحن .... ولا أتوه

ولا بعد في يوم أحزن

رضيت بأقداري ونصيبي

صرت محبوب الحبايب

وصار كل عاشق حبيبي

الليلة غير

شعوري غير

أشواقي غير

حتى الأغاني غير

صدري سما ... واحساسي طير

بس طيفك ماتركني

ظل ساكن تحت جفني

كان وافي...كان يذكر وإنت ناسي

إنت وينك ؟

كان هذا الفرق مابيني وبينك؟!

جيتني تشكي الزمن

وجيتك أبي أدفى

لقيت في قلبي وطن

ولقيت فيك منفى

اللي بعدي

..

المريخي ..!!

[كويتيه دلع]

ما جا على بالي خطاك انت بالذات
لا تعتذر يجي منك أكثر
مات الغرام إللي لك بداخلي مات
ما عاد ينفع العذر لو تعذر
مقدر خلاص أتحمل اليوم غلطات
ما كذب عليك أنا بديت اليوم أتغير
بسكات أنا جيتك وبروح بسكات
أبي أبتعد وهذا مقدر
قصرت وسواتك معي ما هي سوات
هذا عندي فيك ما كنت أقصر
طوفت لك مرة ومرات
صبرت بس ما أظني اليوم أصبر
والحين أنا نادم على كل ما فات
لا تعذر مدام عذرك تأخر
هذا جزا يعطي ولا يقول لك هات
أنا اللي أستاهل يجي منك أكثر

<<<<<<<<<<<<<<<

المريخي

[رغد]

والله وبديت أشغله وأطري على باله
بديت أذوب خفوق اللي مذوبني
ياكثر ما قلت في نفسي هنياله
مرتاااااااح مايدري ان الهم عذبني
اللي جرالي بدا هالحين يجراله
ولو أنبوني ضميري مايأنبني
بعلمه كيف يقسى وأفعل أفعاله
وخله يعاتب لو وده يعاتبني
مايسير بس أنا أفكر به وهو لالا
المفروض يتعب مثل ماهو متعبني

اللي بعدي

طلال الرشيد

[عذب الغرور]

ودعتها واخفيت عنها دموعي ii"
" خايف تحس بحسرتي iiوالتياعي
ودعتها والقلب مني جزوعي ii"
" جزعٍ من الفرقا قليل iiالمساعي
حيث الفراق لمن تولع يلوعي ii"
" لوعات فرقاه ماوراها iiاجتماعي
في لحظة التوديع هديت روعي ii"
" بيني وبين النفس قمة iiصراعي
اخفيت ما حسيت بين الضلوعي "
" خايف عليها لا تحس iiبضياعي
قالت فمان الله وانطر رجوعي ii"
" واشرت بالتوديع حال iiاستماعي
ساكت ولا رديت ماهي طبوعي ii"
" من عبرتي تفرض علي iiامتناعي
حان الرحيل وحان وقت الفجوعي "
" واقفت وأنا عيني عليها iiتراعي
بين الرجا واليأس صبري يموعي ii"
" على الوداع اشلون قلبي iiاستطاعي
من عقبها اسهر مسندي راس كوعي "
" لأنام خالي البال تميت iiواعي
تومي بي الحسرات من غير طوعي "
" هذا الغلا ماهو غرام iiصناعي
اقنب كما ذيبٍ تقفاه جوعي ii"
" لامن ذكرت فراق حلو iiالطباعي
اللي لاجله هان عندي خضوعي "
" والله مانسى دمعته في iiوداعي


فيصل اليامي ,,, وه بس ..

[emperor of love]

الكبر لله ودوم ابن آدم صغير
مهما تعلى مكانه يرجع لأصله
من طين ربي خلقنا كيف نتغير
دام الخطايا تزود طيننا بله
انسان مخلوق دايم طبعه يحير
تتبع خطاويه تلقى شغلته شغله
احيان تلقى ضميره صاحي وخير
واحيان من قسوته مايعترف ب أهله
ياأبن آدم احذر زمانك دامك مخير
لو ترجع احسن مدامك ب أول الزله
سهله تخون الغرايز قلبك النير
لكن عقلك يوافق ما هي بسهله

........

عبدالرحمن بن مساعد ..!!

[نزف المشاعر]

مساء الخير والأحساس والطيبه
مساء مايليق الا بأحبابي
مساء الغير وغصن الطير يحكيبه
عن الي مسكنه جفني واهدابي





ياسر التويجري

[عذب الغرور]

ولدت ساطي ومتغطرس وأحب الخصام=ولا أعترف في إدارة طبع ولا مدير
أوجدت نفسي من اللاشيء والإنعدام=ونـُبـِذت في المجتمع لاني صريح وفقير
ماكان تفكيري الا كيف أخطف السنام=والحمدلله خطفت اليوم كل البعير
ان لم يكن مركزي بالصف الأول أمام=ماعاد تفرق معي لو كنت قبل الأخير
الله أكبر ولله البقاء وله الدوام=وهو الإله الأحد وهو السميع البصير
أخذت من مدرسة أحمد عليه السلام=ما لا خذيته من مخاوى وزير وأمير
وأخذت من تجربة عبدالعزيز الإمام=وش يصنع العلم لا خاواه سيفٍ شطير؟!
وأخذت من فلسفة هتلر عدم الإلتزام=وكسبت نفسي وريحت القلق والضمير
وأبشرك حالتي دايم على مايرام=من ركعتين الصباح إلين عقب الأخير
صحيح عندي تحفظ عند بعض الأنام=مثل معمر وأبومازن وتوني بلير
لكن أنا ما أحب أقلل الإحترام=وأذهب ضحية طموح الغرب وأنا صغير!
قومية المسلمين اللي عليها الكلام=راحت مع خالد وعمرو وعلي والزبير
الله ولا الذّل والتخوين والإنهزام=يا عابدين العروش الوضع جداً خطير !
يا بوخلف .. كيف حالك ؟ .. عل حالك تمام=إنسى القصيدة وهات علوم أخوي الكبير
شيخ ٍ عرفته وتقريباً لي أربع أعوام=يومني أجيه ( لا جاير ولا مستجير !! )
يشوقني له نشوق الوسم عقب الحيام=في صفرة جوها مهوب فــَيـّة .. هجير !
الشيخ أبو خالد محمد عداه الملام=اللي يصيِّر من الإصرار ما لا يصير
حتى الثمالة أعزه .. لا علي الحرام=إني أحبه وحبِّ لو درى به يطير
يطير مثل الوحش لا ضف ريشه وحام=وحوّل على الذايرة بالجو مثل المغير
إن الملوك إذا أعطوك حب وغرام=خلوك من سائر الخِدّام .. يعني خفير !
إلا أنت يا راعي التقدير والإهتمام=ياللي رحمت الصغير وشلت هم الكسير
إذا البلاط الأميري والكنب والرخام=له شاعر ٍ يدهله في صبح والا عصير
فانا دهلت الثريا والقمر والغمام=وحوّلت أداهل طرف مشلحك ما لي خشير
كفرت بالناقصة والغدر والإنتقام=وآمنت بانك حزامي فالنهار العسير
من لا يقدر ثباتك مع عجاج الزحام= ماهوب والله مقدر وش معاني جرير
يا راس عيطاء يا مسك البدء قبل الختام=يالنادر اللي على صيد المكارم شهير
يالمهدي المنتظر بالحاجتين الجسام=المـَـدة المسكتة والأخذ بيد الضرير
يا سيدي ودي أفهق لك ضلوع العظام=وأعطيك شيٍّ بصدري وأنت رجل ٍ خبير
أنا تراني أعاني نوب من انفصام=يـُثـِّر على البرمجة في راسي المستدير
واصير أحس إني البارود والا الحسام=في ساحة الشعر من تـَـبوك لاقصى عسير
مما يسبب لبعض أعدائي الإحتدام=اللي يحسبون قرض الشعر مثل الشعير
والشعر وان كانه المقصود بأول مقام=فالله يرحم أبو الطيب ويرحم زهير
روح التنافس وحب الشيخ والإنضمام=ماهيب تعني لدى الكثرة نهاية مصير
والشاعر اللي معه عزوة خوال وعمام=تفداه وايل وترقب مستعدة مطير!!
والله فلا ينقهر والا يضيق ويضام=لا جا اللـِّـزز والملاقى والقبس والنذير
وجمع الدراهم مهي باكبر طموح الغلام=اللي جمع من قلوب الناس شيِّ كثير
من حبني رغم تفويتي له الانخدام=واللي كرهني فهذا شخص ملعون صير
دام المعارك صغيرة ماعلينا إلزام=ينوب عن سيفي البتار أصغر جفير
قرأت فيما قرأته من بلوغ المرام=اللي ترك شيء لله عاضه الله بخير


فزاع ,,

[emperor of love]

الوجه الباسم

الله خلق لي نفس تسمو عن البوح ### ما هي لضاقت من الهم باحت
على ما شفت ضيقات وجروح ### الويه ما تغير ولا العين صاحت
أبشرك بشارة الروح للروح ### تبي تطيحني الليالي وطاحت
هذا أنا والوجه باسم ومشروح ### وجها ً بروقه لاظما الناس لاحت
كم محزنن بنى على شوفه أصروح ### وكم نفسا ً من طارف عطاه أستراحت
الله وهبنا عز و أمجاد وطموح ### وذكرا ً على جدران الأيام ناحت
هذي مراجل مهب ضحك ومزوح ### ما هي شموع لضوى الصبح ساحت
الصفح خصلة والفخر ما له سطوح ### والحزن لسيطر على الروح ناحت
بعض الجروح تجي لك شوي وتروح ### وبعض الجروح إن جات ما راحت

..........

حامد زيد ..!!

[رغد]

والله اني ما نويت ابدي معاها بالخطيه,,,
بس هي اللي تعدت حدها لحظة غضبها

والله اني كنت اكابر بالعتاب بحسن نيه,,
بس بدري هو صحيح اني الوحيد اللي عجبها

يمكن اني كنت قاسي بالعتب معها شويه,,,
كثر ما كانت تمنى راحتي واعشق تعبها

جرحتني بالكلام وكبرت حيل القضيه,,,,
واخسرت بي كل عرق من شراييني كسبها

والا هي ما كان فيها للموادع مقدريه,,,
والجفا كانت تعافه بس ماادري وش قلبها

فيصل اليامي

[هويتك بسكآت]

لعيونك اللي علمت قلبـي الطيـش
والبسمه اللي نـورت لـي مكانـي

ورموشك اللي كنها للعـدو جيـش
اني لأخلي الليل لـه شكـل ثانـي

دامك وصلتي والحكي صار بشويش
وشلون انا ماأقول شعـر وأغانـي

طفل المشاعر بيننـا علـه يعيـش
يلقى له ام ٍ تحرسـه واب حانـي

وشللي دخل بالنوم ووسادة الريـش
ما دام حضنك ضمنـي واحتوانـي

طيفك يشاركني على لقمـة العيـش
ان ما لقيتـه ف المحانـي لقانـي

والعاذل اللي قال لي قلت له ايـش
رح رح ترى مالك لـوى ياأنانـي

تبغاني انساها وانـا احبهـا ليـش
من جدك انساها وأضيـع زمانـي

سعد بن جدلان الاكلبي

[عذب الغرور]

آه يـا قلـب ياللـي دايـمٍ فـي ذهـول=والله انـه ثقيـلٍ ليـن جــوه الثـقـال
يـا قطـاة العبيّـه يـا هـيـام الـذلـول=يـا عيـون النـداوي يـا رقبـة الغـزال
نور وجهك على من شاف منـك القبـول=نور صبـحٍ تبسّـم فـي رهـاد الجبـال
كنّي اقـرا علـى طـرّت جبينـك تقـول=انـا قلبـي يحبـك يـا حبيبـي تعـال
كان قدّمـي حـدٍ فالحـب راح امهبـول=والله انـه خطيـرن لا يجينـي اهـبـال
المحبـه جملهـا مـرسـلٍ وامعـقـول=لعنبـو مـن يقـول ان المحبـه اخـبـال
والذي ليلـة الاسـراء عـرج بالرسـول=ان حبـك لحـال وحـب غيـرك لحـال

الفرااااعنه ..

[رغد]

بسمك اللهم منزل سورة الاحقاف والاعراف منزل نون قاف كاف، هاء، ياء، عين، صاد

عالم سر العباد ومهلك فرعون ذو الاوتاد عاد هل ارم ذات العمادومن بنوا صخـرا بـواد

جيت لاني حي ولاني ميت بين اقبلت بين اقفيت احط البيت تلو البيـت واشـد القيـاد

جيت للحفل اعدي شهلول هملول بردي قامت يدي تصفق يدي طبعي لجيت ابغى القصيد

جيت من ظلما قبر بالحفل ما جاني خبر لعيون امير من ملوك اهـل الوبـر واهـل المـدر

ما زهمني غير بدر الشمري في الخامسة عصرا وجيت اجري جري بامـر العزيـز المقتـدر

فيصل اليامي

[عذب الغرور]

فيصل اليامي ,,,


يالهلال انتا مكانك بالصداره
أنت الأول دايم وغيرك يهيم
تدري وش جمهورك الوافي شعاره
كل شيء نملكه يفدى الزعيم
ياشموخ المجد ياالعز ووقاره
يالمطر يالغيم ياأنفاس النسيم
لويباس الارض يدري عن بحاره
ميز الأزرق غلب أرض الهشيم
واللبيب اللي فهم معنى الأشاره
يعرف ان تشجيعك الرأي الحكيم
لن من حبك نسى طعم الخساره
وانت حبك قصة العشق القديم
كل كأس(ن) ينصنع يعرف مساره
وأنت موطن للبطولات وعظيم
أحنا جمهورك لنا حق الجداره
وأحنا نستاهل ومن غيرك كريم



محمد السهلي ..

[emperor of love]

بينـي وبيـن الشـقـا ســلام رديّــه
يفتـل جروحـي وانـا انقضهـا بموالـي
عيّدبـي الهـم واثـر الـدمـع عيـديّـه
ولانـي بذاخـره دام عيـونـي عيـالـي
يـا عيـن هلّـي دموعـك كـل عصريّـه
وان لمتك فيوم قولي : ( مالـك ومالـي )
محتـاج طـاروق لـه معـنـى وقافـيّـه
واستبشـري خيـر ! والشعـر يتهيّـالـي
القـدح مـن فكـري وفالـراس جنـيّـه
وان حضّرت بي كتبت العالـي .. العالـي
ما شلتها عرضـه ! ولا هـي هجينيّـه !
غنّيتهـا مــدري الـطـاروق غنّـالـي
بـس الوكـاد إنهـا : قصّـه غرامـيّـه
ابطالهـا هـمـي وغـمـي وغربـالـي
وان قالـوا النـاس : ذا طبـع الهواويّـه
قلت : استوى عنـدي التريـاق والحالـي
العشـق بلـوى ونفسـي فـيـه مبلـيّـه
خلونـي اكتـب وافضفـض لا تفضالـي
المسألـه أكبـر مـن احــلام ورديّــه
الحـزن لا مـن لفـا جيتـه علـى فالـي
حزني واعرفه واعـرف ابسـط مواريّـه
ولاني لحالي كثير اللـي عـرف حالـي !
يـا وجـد حالـي وجـود اللـي هقاويّـه
خانتـه باغلـى رفيـق ولا لقـى والــي
وياوجـد حالـي وجـود اللـي بناخـيّـه
عن عسر حاله وضيقـه دالـه وسالـي !!
فـي غيبـة الـلـي تـمـادى بالانانـيّـه
وخلانـي بوجـه حزنـي واقـف لحالـي
يـا موّسـع الضيـق لامـن مـر طاريّـه
كن الوسيعه تضيق ان مـر فـي بالـي !!
وين انـت ؟ ياللـي غيابـك مثـر ٍ فيّـه
غايب !! واحسك معي !! واشوفك قبالي !!
طيفـك ليـا مـر حاجـه لا إراديّــه !
اتبع سرابـه واجيـه اسابـق ظلالـي ..
ياللـي مـن حروفـك تغـار الرومنسيّـه
والله قبـل لا افقـدك فاقـدك جوّالـي !!
في ( بحّتك ) شي ؟! يشبه حزن مرثيّه !!
ومن غاب صوتك وانا اللي صدق يرثالـي
وعيونـك الـسـود إعـجـاز وخيالـيّـه
نـادر شبههـا مثـل مـا تنـدر خصالـي
ونظرتـك تهـدم كيانـي بكـل عفـويّـه
سلهم وشف كيـف يبـدى فـي ّ زلزالـي
وعـودك ليـا مـال يـا المتـرف بحنيّـه
قمـت اتعـزوى واطـوّح لجلـه عقالـي
وقلبـي علـى ظمّتـك يسـابـق يـديّـه
ويردنـي طيـب ابـوي ومرجلـة خالـي
تكـفـون يالـلـي تمـرونـه علانـيّـه
قولوا له : الموت لامن غـاب يبرالـي !
وقولوا له : ان غيبتـه مـا هيـب عاديّـه
وخلـوه يرجـع يشـوف بعينـه احوالـي
وقولوا لـه : انـه ذبحنـي لعنبـوا حيّـه
ما يرحم الشوق غالـي ينتظـر غالـي !!
وقولوا لـه : ان صـد والصـده نهائيّـه
اشوالي آصـد !! لا والله وش اشولـي !!
حيـل الله اقـوى عساهـا روحـه بجيّـه
وعسـاه مـا يبطـي ويرجـع ويسعالـي
وقولوا لـه : الله حسيبـه كـان لـه نيّـه
ما عاد يرجع لـي وقولـوا لـه التالـي :
حرام كلّي ( ظمـا ) وايديـه ( وسميّـه )
وحرام ( مالي أمل ) مدامه ( آمالـي ) !!


فزاع

[منوله]

لعبة زمن

لعب الزمن ما هو مثل باقي العاب
إلعب على كيفك واذا تروم لا تْتوب

بَيْجيك يوم وْتندفن تحت لِتْراب
عقب الدفن بَتْعَرْف وش يعني لْعوب

لو نك فَتحت أبواب لك غَالقٍ باب
ولو نك تعرف العيب العيب عَذروب

بديت أكتب واجلب كْتاب بكْتاب
آخذ معَانيهن واخلّيهن بْصوب

إذا الشِّعر يا ناس قِدْ جاب ما جاب
وان جاك شِعري بالفعِل جَاك مَكْتوب

هذا وانا أرقى على كل مرقاب
أسري بليل الضدّ من فوق عَرقوب

هذا وانا أشّر وهي تطير أسراب
بيض الحَمام تطير ما تحمل ذْنوب

هذا وانا تايب وإبليس ما تاب
هذا وانا أنعَت وهو ضَيّع دْروب

هذا وانا أضحَك وهو يضحك بْناب
ثوبي ستير وصاحبي عَاري الثوب

هذا وانا اعدّ الخَطا عَد لِتْراب
ينعد كيف انعد وهو كان محسوب

بعض البشر تحسب على كيف الاسباب
وبعض البشر من دون سِبّه ومطلوب

كلٍّ يحَسْب احساب وآنا احسب احساب
وْكلٍّ يجي باسلوب وآنا لي اسلوب

بَابٍ فتح من بَاب والباب كَذّاب
بَابٍ إذا يفتح ترى الباب مَكْذوب

هذا وانا اغنّي وانا اقول سَحّاب
سَحّاب يَمطر صوب وانا أمطر بْصوب

مثل العروق تجيس وتدق الاعصَاب
أو مثل سَاحِر طار في الجو مجلوب

من هو يأمِّن يمشي بْليل في غَاب
بعض العَسَل يا صاحبي سَمّ مَشْروب

هذا هَدفيه صبته وْصَاب بصواب
صوب الذي صَوَّب ولا صاب مَصيوب

بحرٍ غزير وْطامي البحر عَبّاب
ونَارٍ تطَفّي نَار من حَرّ لاهوب

حَدٍّ عليه عيون والناس رقّاب
وْحَدّ اختفى لو كان بالحيل مَرقوب

حَدٍّ يشلّ سلاح وْحَد شايل حْراب
حَدّ يعشق شْروقٍ وْحَد يعشق غروب

حَدٍّ يشيل الهَم في ضَرب الاصحاب
كل من ضَرب في يوم له يوم مَضروب

أنا معَادِل آخذ الحُب لاحباب
وْكلٍّ يحب الطيب .. الطيب محبوب

قالوا سَهَل إنّي أنا أفتح الباب
وانا هويت الصعب لو دارت حْروب

لعبَه وانا ألعَب على كل الالعاب
طبعي أنا غَالب ولا آكون مَغْلوب


سعــد علووشــ

[شآاكي زمآاني]

اللــــه يــعزر فيـــك والله يـــقبلك
ان كــان عرفـــك للضيــاع ا قتـادني
من يومني صغير اعشقك واتاملك
حتــى تــفرعنبي غلاك.. و ســــادني
كبرت احبك بس صرت اتخيـــلك
غبـــي تعلمــــني غلا .. واجادنـــي
مـن اولا اشوفك واعشق ادللـــك
واحـــب خيط العذر لامــن قادنــــي
والحين لامنــي ولهت وجيــتلك
قـام ايتصيدني الحزن .. واصطادنتي
فالشارع اللي هيبته هيبة ملك
اللـــي تهجا خطوتـي .. واعتادنـــي
من تحت شباكك وودي اسألك
يغلا من اغليــته غلاك وش فادنـــي
لوادري ان مستقبلي مستقـبلك
ما كـــان نقصني الغياب وزادنـــي
هنـا وبس ولا تضايق وازعـلك
بقفــي فمان غيــابك .. وماعادنــي
لافيت عن عينك رجعت وقلتلك
تكفا ليــا قفيـــت عـــنك .. نادـــــي
من حشمتك لو اوصلك ما اوصلك
ياخي .. بثور من العذاب وهادنـــــي
احساسي اني ذنب فعيون اهلك
احساسي بالاحساس ذا .. ابادنـــي


.::حامد زيد ::.

[هويتك بسكآت]

ياحبيــبي لاتــواعد مــواعيد وتغيــــب
دامـــك تقول المواعيــد من غير شهوه

والله إنـــي من عرفتك وسميتك حبيب
أسمع بصوت الفناجيل وماشفت قهوه


خالد عبدالرحمن

[عذب الغرور]

خالد عبدالرحمن

اهااااااات:
آهات من طول العنا طاولتني
ونفسي من الفرقا وحالي صخيفه
جارت على من الفراق و قصتني
غزت ولاكن ما نوت بالنتيجه
بهمومها الي شفتها منها كوتني
هذا الي خلى حياتي مخيفه
باكر يروعني وانا فيه ختني
واقول ليت الغيب يبخل بحيفه
خير السعاده بالهوى خالفتني
خالفت معها عين قلبي وريفاه
خبت هبوب بالنياح عطشتني
وكم غالي قبلي ضماء من وليفه
ليت الليالي عن غرامي نهتني
ولا بدا زرع الامل منك هيفه
ولا النها في غايتي خيرتني
واختار انا مرباع قلبي وصيفه
خل جيوشه بالمحبه غزتني
وانا اسير للعيون العفيفه
اغلى هجوس طول الايام جتني
اكل هجوس الي تجيني بطيفه
الماضيات الي بغيبها منصفتني
والمقبلات ترجي عدلها خليفه
اتبع ظنون للهوى ما شفتني
احسب حمولي بالمحبه خفيفه
واليوم ظالمك المحبه طوتني
طي الورق يوم انطوى به خريفه
واشباح يا سيد بالهموم عثرتني
وانا على اسباب صدق كليفه
اشيل حتى راضي فوق متني
واروح نفسي من حياتي معيفه
واقول الي بالجفا عذبتني
عسى الشقا من بيننا بالنصيفه
شربت من فيض الشقا واشبعتني
دنيا مع الاحزان ضد حليفه

فيص اليامي ,,

[شآاكي زمآاني]

هلا بعمري هلا بروحـي هـلا باللـي تذوبنـي""هلا بمن عطرهـا يملـى علـي دنيـاي وايامـي
هـلا باللـي اذا نـادت اجيهـا بلهفـه وكـنـي""وصلت لآخـر الدنيـا طويـت الارض بأقدامـي
اجي ب احساس وانسى الناس اجي مرتاح ومتهني""ابي تروينـي ب ايديهـا لأنـي بدونهـا ضامـي
اجي عطشان اجي ولهـان كأنـي كنـت مستنـي""تناديني واجيها بشـوق احسـه داخـل عظامـي
هي اطيب قلب واجهته ومـا قـد خيبـت ضنـي""هي اجمل وجه قابلته وهي اكبـر مـن احلامـي
تقول اني ( احب انسان )وتقـول ب انـي وانـي""وانا ليمـن بـدت تمـدح ادور اقـرب اقلامـي
لأني لو عجـزت اكتـب غلاهـا وقربهـا منـي""اجل وش فايدة شعري اذا مـا يوصـف الهامـي
صدوقه وان نوت تكذب تقول ارجـوك سامحنـي""تحس ان الكذب حاجـه عظيمـه شـي اجرامـي
بريئـه فـي سوالفهـا تسولـف عنهـا وعـنـي""تذكرني بكـل موقـف جمعنـا وصـار قدامـي
حنونـه صوتهـا دافـي لهـا نبـره تدوخـنـي""بنبرتها يجي اسمي ما كنـه (شاكي زماني) << هذا مكانها فيصل اليامي تم التلفيق هههههههههه


سعـد علـوش

[منوله]

القلوب البيض


متعـب الحنجيـن لامنـه iiضــوى
زرفل برجلي علـى شيـن iiالـدروب
ولا خـذ الا أنـا مـن الهـم اعـوا
تضرب أنفاسي بسمعي هوب iiهـوب
هوب كانـت قبـل لا أعانـي iiهـوا
بس صارت بعد مـا أعانـي iiهبـوب
كـل عـرق بخافقـي المرهـق iiذوا
كن خفاقي علـى جسمـي iiمغصـوب
دامنـي الصـادق وأنـا مالـي iiلـوا
ابـك ياصـادق وعيّـد يـا iiكـذوب
حتى في حكيـي مـع نفسـي اغـوا
صار بيني وبيـن ماعنـدي iiأسلـوب
الا في الشعر أبقى شيـخ iiالمستـوى
أحترق لأجله وانـا ادري انـي iiاذوب
ما هو شعر اللـي الـى قـلّ ارهـوا
اما شربوا خمـر ولا أكلـوا iiحبـوب
عزّتي لي واشهـد أن حالـي iiطـوى
طوي زلّ المصمكـي قبـل iiالغـروب
مـا هـي بلحيـة ولـع ولا iiجــوا
أعـوذ بالله العـرب شبـوا iiشبـوب
كـل مـا تعـطـي مجرّحـهـم iiدوا
كنّك تعطيهـم مـن ذنوبـك iiذنـوب
القلـوب البيـض ملعـونـة ثــوا
لا تـشـل ولا تــزل ولا تـتـوب
ويش أقول وويش أعيـد ووا .. iiووا
أخذها من كف صاحـب iiومحسـوب
بيّـض الله وجيـه سمحيـن iiالنـوا
ولعـن الله أبـو سـودان iiالقـلـوب


ربيع القلب

[عذب الغرور]

ربيع القلب ..

يعني لني صـــار لي في الشــعر كم معجيــه
وها ربيع القلب صاير ينطرى بين البنـــــــــــات

قلتي هذا طيب وكلـمه تشـــرقه وتـــــــــغربه
بعد ما خليتـــــــــــــه برجع له وانا بنت الذوات

قلت هذا طفــل بسمـــه مني بس اتعذبـــــــه
نظره من عيني يذوب وينتــــهي كل شـي فات

بس دقـــيقه وهذا وقتج بالــــــــــثواني بحسبه
بس دقيقه تعـــــرفي كم شـــغله عنج خافيات

من تركتيني لحينج دون لا ذنــــــــــب اذنبـــــه
ما تغــــير شي فيــــني كل اطـباعي في ثبات

بس تغير شـــــي واحد انـــج انتي كاذبـــــــــه
لا حشا لجذبج، جذبج عدى في وصف الصفــات

انتي مغــــــــــروره وخداعه انتي عقــــــــــــربه
انتي اردى شي شـــــــفته جسد في روح وذات

وصدقيني هاللي قلته بدم جرحي اكتـــــــــــــبه
واللي شفته معــج ما هو هين بكل الجهـــــــــات

كنتي لي نار وانـــــا كنت فجحـــــــــــيمج احطبه
ضعت انا وياج من عقـــــــــــبج انا كلي شتـــــات

كنـــــــــــتي يوم تدمع عيونج كوني هذا اقــــلبه
ولا اشوف دمـــــــــــوع عينج مدري فيهن زايفات

كم شربـــــــت العلقم بكفج وكم لي اشـــــــربه
عمــــري قلت لج ما ابيه؟ دوم دومي في سكـات

ادري كل النــــاس تنظرني وهي مستـــــــــغربه
كيف هذا الشـــــــــــــــــــاعر الريال عينه ما تبات

ادري كلكم في ذهول كيف بنـــــــــــــــــت تعذبه
والله لذل البنـــت هاذي والله ابكــــــــــتني اعبرات

بس لعـــــــــــــلمج من هجرتي منتي عني غايبه
كل اخبـــــــــــــــــارج تجيني وكلها افعال وسـوات

بفضحج قدام نفــــــسج وكل شي تـــــــــدرين به
لجل نعرف منـــــــــهو احسن ولا تظني انه شمات

قولي الصح شخبــــــــــــار خالد للي عيونج تعجيه
والا احمـــد اللي (ف)وافي واعــــدج في الباركنات

والا راعي الرنــــــــــج لي قلتي له ابغــــي اجربه
والا مايـــــد لي رصيدج مستحق واصـــــــــبح مآت

لعنـــــــــــــــبوج انتي ابـطاقه توهبي جسمج هبه
انتي ارخص من البطــــــــاقه وكنتي اغلى الغاليات

ما تعبتي وكل يوم انتب بحضـــــــــــــــن متقــــلبه
يا بخت منهو بجمــــــــــــــــيرا كان فحضـــانج يبات

كنج الا باص من يبغي تـــــــــــــــــــراه بيركــــــــه
حتى طلاب المــــــدارس ميـــــزج بين البنـــــــــات

والقـــــهر اني اشوفج دوم لــــــــي متحجــــــــــبه
لعنبوج الحين روبــــــــــــــي ما تســــوي هالسوات

اعتقد كل شي واضــــــــح وشي واحــــد اطلــــبه
لا تظني ترجعــــــــــــيلي وانت من يبغـــى الشتات

هذا قلبي والــــــــــــــــكره الحين تجري فمــــــلعبه
وابعدي عن معجباتي مالج ومال المعجبــــــــــــــات

صرتي عندي بيت شعر بكيف كيــــــــــــفي اشطبه
والله يــــــــلعني اذا عطيــــــــــتج فـــ مره التفـــات

حامد زيد ..

[emperor of love]

غرام أحباب
على ذاك الطريق اللي يسمونه غرام iiأحباب
وطت رجلي على دربه ولاأدري وش نوى iiفيني



تبعته لآخر دروبه .. ألين أن القمر قد iiغاب
تعب قلبي ، ولا تعبت مسافاتٍ توديني



لقيت الليلة الجردا : هدب ظل وسما iiواعشاب
بعد ذاك الظلام اللي يتوهني iiعناويني



صدفتك معجبه فيني وياليت..الغرام : iiاعجاب
وتراك انتي الهنوف اللي هقيتك iiتستحقيني



عطيتك عشق من قلبي..وسلمت لغلاك iiرقاب
وغيرك يحترق قلبه ولا يقدر iiيحاكيني



أنا قبلك صدفت عيون لكن ويش جاب iiلجاب؟
ترى كل العيون اللي لقتني ما iiتكفيني



رماني حظي العاثر عليك وجيت لك iiطلاب
ولا أنتي اللي عشقتيني ولا انتي اللي iiعتقتيني



تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني



تعدي في سما عشقي ولو عشقي خراب أصحاب
وصوني بالهوى نفسك قبل لا انتي iiتصونيني



وشيليني على متنك : خفوقٍ باريٍ iiمنصاب
ومن فوق الغرام العذب .. شيليني وحطيني



ولا منك هقيتيني شجاع وما يطيق iiيهاب
أنا لك بالهوى والله مثل ما انتي iiهقيتيني



أنا ما أمشي ورا غيرك ولو أنه يطق iiالباب
وترى عيبٍ عليّ أطعن..ولو كثرت iiسكاكيني



زهودٍ ما يطيق الدم لا داين ولا طلاب
شجاع وعارفٍ نفسي وأظن أنك iiتعرفيني



غيورٍ ماعرفت أضحك مع الغدر ببّرود iiأعصاب
أبيع عيوني الثنتين قبل أنك iiتخونيني



إذا شد الغرام .. اترك خفوقي : بين ناب iiوناب
لفرقى تكسر ضلوعي .. ولا عشقٍ يوطّيني



أنا رجلٍ ولي غيره .. وإذا شفت الهوى iiكذاب
تثور بقلبي الفزعه ولا تهدى iiشياطيني



سؤالك لو يزعزع بي كياني ما قبلت iiعتاب
اجي لك وأسالك نفس السؤال اللي سألتيني



عن العشق القديم أبواب .. تقفيها كثير iiأبواب
بعد ذاك الحبيب اللي خدعني وانخدع iiفيني



أبي عشق تحسب له كل نظرات العيون iiحساب
وابي قلبٍ علي قلبي ، وابى دينٍ على ديني



وابي نظرة عطا توفي ولا تخلف بدون iiأسباب
وابي منك قبل لا نتي تصديني .. توديني



وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني



ترى لو للقلوب عيون ولدموع العيون iiأهداب
حشى ما تنزل الدمعه لغيرك لو iiتركتيني



أنا أول من عرف قدرك وأنا توي صغير iiوشاب
وابي منك ما دام أنك عرفتيني iiتحبيني



ما دام أني لقيتك في طريق أسمه غرام iiأحباب
دخيل الله ، وبعد الله دخيلك .. لا iiتخليني



ما دام أن كل من يحيا على وجه التراب iiتراب
عسى تنساني الدنيا مادام أنتي iiذكرتيني


عبدالرحمن بن مساعد ،،،

[هويتك بسكآت]

ما سألتوا صاحب النظرة الخجولة .... كيف يسهرني وله وجهٍ صبوح

كيف يظلمني وله طهر الطفولة .... كيف يفتنّي وهو دايم يروح

وكيف أنا ألقى ربيعه في فصوله .... دام كذبه صادق وصدقه مزوح

له صـفاتٍ تورد العاشق ذهوله .... مستكين صامت وكلّه جموح

أصعب الأشياء وأكثرها سهوله .... أغمض الأشياء وأكثرها وضوح

سهل تغرم به وصعب إنك تنوله .... غامضٍ طبعه وواضح في الجروح

أسعد بشوفه ولكن ما أطوله .... كنّي الوادي وهو أعـلى السفوح

يبتسم لا منهم عنّي حكوا له .... ولا حكوا لي عنه أعماقي تنوح

لي بقلبه شيٍ لكن ما يقوله .... وله بقلبي كلّ و لكنّي أبوح

كنّه الغيمه وانا أرجي هطوله .... ما نزل غيثه ولا برقه يلوح

ما عرفتوا ليش تسهرني فعوله .... وليه يسكنّي وهو دايم يروح

هو يبيني بسّ أطباعه خجوله .... وما يبيني أغفا وهو وجهه صبوح




ضيدان بن قضعان

[emperor of love]

راكب اللي ما تجيبه وكالة بالبيد
ولا يجيبه بهبهاني ولا وضيحي قطر
ادهمٍ وسم الجميح على جنبه جديد
مهبل اللي يوم عرض يحسبنه شفر
جمس شكمانين ملقبينه بالوليد
من سرابه ما يغبط القصيبي والجبر
كاتبينٍ في ضمانه حديده ما يبيد
تمرةٍ قاري عليها حفيد ابو بكر
كن وجهه لا نطحته تشعشع صبح عيد
وان قفيته كنه السيل لا سال وحدر
وان عرضلك في مزاياه من عنق الفريد
وان ركبته تحسبنك على سطح القمر
دقته نغمة عبادي على سلم فريد
لا عزف الاول وجاوب على عاشر وتر
لا شتغل قالت شكامينه اركد ياحديد
والقزوز تقول للقاع روح يا فقر
كن في الشكمان الايمن صدى عبد المجيد
وكن في الشكمان الايسر صدى نايف صقر
والبلوف تقول للكهربه هل من مزيد
والسيور تقول للمروحه اين المفر
تحت كبوته من الفن طيران وعبيد
ما يغنون المسافه ولا طال السفر
كل اغانيهم على الدرب واصل ياعنيد
لين تلفي قصر شيخ على العليا شهر
سايقه من صلب ربعي وله باس شديد
ما يخاف البعد والليل والموت الحمر
من صناديد ال عرجاء هل العلم الوكيد
لابةٍ من جن تمشي على هيئة بشر


فيصل اليامي

[حلــى]

أسلحتنا في المصاحف

يا زمان الذل

.. زل..


ما بقى في الناس شيمه

وما بقى للعدل خِل

ومن كثر ما حنا صغرنا

صرنا حتى بدون ظِل

صرنا ما نملا المحِل

صرنا أمه تحتقرنا

كل أرذال الأمم

لاتصدق ياعزيزي

بالعروبه والقيم

يا زمان الشيخ بوش

يكفي هزأت المبادىء

يكفي أحرجت العروش

الكرامه يا طويل العمر ما تكفي النعوش

يا زمان البيت الابيض

إنت مالك أمر يرفض

تبغى هذا الدين أطول

تبغى هذا الشرع أعرض

إنت إكتب وإحنا نحفظ

مو غريب

لو نَحَسْب الخبث طيب

ومو غريب

نصرخ ولا من مجيب

ومو غريب

لو يكثر أعداد الأرامل

فبلاد ما ترضى الهوان

وحكومة ما تعرف تجامل

ومو غريب

لو تعتبر حتى عصا الكهل العجوز

أسلحة دمار شامل


يا زمن نهب المتاحف


جانا جيش الحقد زاحف


جتنا لعلوج الزواحف


فتشوا حتى العقول


وأسلحتنا في المصاحف!!

يا زمن أمريكا شكراً

أنتزعت الأقنعه

إنت ازلت الأقنعه


وانكشف وجه النوايا

واتجاه الاشرعه

ما نصدقهم خلاص

وما بقى من نسمعه

كل ذولا إمعه

بس خلك مستريح


الصحيح


يوم هب الحقد من واشنطن ولندن

كذب باسم المسيح

الكل فضل ينحني

وبغداد اختارت تطيح


يا زمان الازمنه خليك شاهد

إحنا مو ناقصنا واحد

هو صلاح الدين


احنا ألف مليون واحد


هم صلاح الدين

حنا بس بعيب واحد

هو.. فساد الدين

يا زمان الذِل


حِــل


قلت لك مالك حِل


يلا ابي للشاعر عبد الرحمن الشمري

[حلــى]

أسلحتنا في المصاحف

يا زمان الذل

.. زل..


ما بقى في الناس شيمه

وما بقى للعدل خِل

ومن كثر ما حنا صغرنا

صرنا حتى بدون ظِل

صرنا ما نملا المحِل

صرنا أمه تحتقرنا

كل أرذال الأمم

لاتصدق ياعزيزي

بالعروبه والقيم

يا زمان الشيخ بوش

يكفي هزأت المبادىء

يكفي أحرجت العروش

الكرامه يا طويل العمر ما تكفي النعوش

يا زمان البيت الابيض

إنت مالك أمر يرفض

تبغى هذا الدين أطول

تبغى هذا الشرع أعرض

إنت إكتب وإحنا نحفظ

مو غريب

لو نَحَسْب الخبث طيب

ومو غريب

نصرخ ولا من مجيب

ومو غريب

لو يكثر أعداد الأرامل

فبلاد ما ترضى الهوان

وحكومة ما تعرف تجامل

ومو غريب

لو تعتبر حتى عصا الكهل العجوز

أسلحة دمار شامل


يا زمن نهب المتاحف


جانا جيش الحقد زاحف


جتنا لعلوج الزواحف


فتشوا حتى العقول


وأسلحتنا في المصاحف!!

يا زمن أمريكا شكراً

أنتزعت الأقنعه

إنت ازلت الأقنعه


وانكشف وجه النوايا

واتجاه الاشرعه

ما نصدقهم خلاص

وما بقى من نسمعه

كل ذولا إمعه

بس خلك مستريح


الصحيح


يوم هب الحقد من واشنطن ولندن

كذب باسم المسيح

الكل فضل ينحني

وبغداد اختارت تطيح


يا زمان الازمنه خليك شاهد

إحنا مو ناقصنا واحد

هو صلاح الدين


احنا ألف مليون واحد


هم صلاح الدين

حنا بس بعيب واحد

هو.. فساد الدين

يا زمان الذِل


حِــل


قلت لك مالك حِل


عبد الرحمن الشمري