ماتت وهي مرتاحة ( قصة ابكت العشاق )

[مساهير]

قصة حب جميلة حقيقة ومؤثرة قرئتها فاحببت ان اسردها لكم تعبر عن الحب العذري الحب الذي نفتقده كثيراً في هذا الزمن القاسي والله يا اخوان حب اعتقد انه ولد في زمن ومكان اخر غير هذا الكوكب واتمنى ان تنال رضاكم سأطرح القصة على عدة حلقات وارجو التفاعل ....
(ماتت وهي مرتاحة) منقولة بتصرف

**
قصة شقا ماهي سواليف ومزوح .. ليت القدر يومه كتبها محاها .. هذا النصيب وما كتبلي على اللوح .. قصة عذاب تبكي اللي قراها ..
**
ما أدري من وين أبدا قصتي أو مأساتي أو تجربة حبي الفاشل ، عالعموم أنا بنت عمري الحين 20 سنه ، لي عيال عم واجد ،لما كان عمري 16 كنت أنجذب لواحد منهم وإسمه جراح وكبرت وكبر حبي له ، شخصيته كانت حلوه يمكن ماكان فيه جمال الشكل بس جمال الروح و تكانته وعقله الكبير ، وأهم شي القناعه كان يرضى بأقل شي ، وصلت لصف ثالثه ثانوي وبالعطله سافرنا وكان اهو و عيال عمي معانا ، بصراحه كانت أحلى أيام عمري كنت أنام وأصحى على صوته ، ....

** أقبـــــلت مثل اللي يبشر بمولود ،،، وأقفـــــيت مثل اللي يعزي بغالي ....**

كنت أتمشى وأناظر خيـــــاله ، كنت أنطر اليوم اللي أتمشى فيه معاه بوسط هالطبيعه ، كنت أظن إنه لـــــي لأني بنت عمه ومافي شي راح يوقف زواجنا ، وحبـــــي له .....

** من مغـــــيب الشمس لين إرتفـــــع صوت الآذان .. غربـــــتن تطوي ضلـــــوعي وليل يحتـــــدي .. أتنزح عن مـــــكاني وأجي نفس المـــــكان .. كني اللي ضاعت خطـــــاه و يخاف يغدي .. وإن بكـــــيت وصار للدمع في عيني بيـــــان .. الغلا شي من اللـــــه ولا هو في يـــــدي .. **

صار وقت رجعتنا للكويت ، بفقد صوته ، بفقد شوفته ....! بفـــــقدك يا جــــــــــراح ..
أنا بالكويت ما أشوفه إلا بالأعياد والمناسبات ، و رجعنا للكويت وبالطــريـــق .....؟

** أعترف لك ســـــالت البـــــارح عليك .. دمعـــــتن في مفـــــرق دروب الســـــفر **

مرت شـــــهور ماشفته وصرت برابعه ثانوي وطبعا" برابعه مع الدراسه لهيت عن حبه شوي ، ومره من المرات و انا قاعده مع اخواني جابوا طاريه وليتهم ما إذكـــــروه !
** كنت أتوقع حـــــب الأطفـــــال بيموت .. لين إكتشفت إنه لهالحـــــين ما مـــــات .. الحـــــب الأول يحيى بوسط تابـــــوت .. يحيى و يبقى حافظ كل مافات .. **

(( ودي ما أكمل بس ودي تعرفون غلطة عمـــــري ))

إمتحانات رابعه ثانوي كانت تبدا بتاريخ 13 / 6 / 2005 والمفروض إني أتجهز لها ..
وبشهر4 وبالتحديد يوم 16 كنت قاعده مع أمي وخالاتي ، آه لو تدري أمي إنها بالخبر اللي قالته إهدمت حيـــــاتي وأنـــــهت مستقبلي وضيعت حلـــــمي ،... آه يا يمـــــه ليتج ما تكلمتي ، آه يا يـــــمه ليتج ما قلتي ،.. ليـــــتني مت قبل ما أسمع بــــــــــزواج حبـــــيـــــبي بجـــــــــــــــراح .....

** جـــــاني الخبر يا صاحبي وأظـــــلم الكـــــون .. قدام عيـــــني ثم نطقت الشهـــــاده .. عالعموم أقـــــولها ألـــــف مليون .. مبــــــــــــــروك من قلبن شكـــــالك بعـــــاده .. مبــــــــــروك لا يهمك سوالــيـــف وظنون .. من عاشـــــق أهداك فرحـــــة فؤاده .. **

مبـــــروك يا حبـــــيبي .....
مبـــــروك إنتهى حلـــــمي .. مبـــــروك ذبحتوا قلبي ....
مبـــــــــــــــــــــــــروك ....
بصراحه بهاليوم إنشل تفكيري ، رحت لتيلفون اخوي الكبير و دورت إسمه وأخذت رقمه ، .... !
(( للعلم أنا بدويه والبدو عيب عندهم بنت العم تكلم ولد عمها ))
دقيت على رقمه من تيلفوني على إني غلطانه وسكرت الخط وبــــكـــــيـت بكـــــيت على حظـــــي ....!!!
و على فكره كان هاليوم السبت تاريخ 19 / 3 / 2005 ،
(( جراح كان شاعر و أنا عندي محاولات شعريه ))
وصارت بينه هالمسجات ..

دزيت لجراح : قلت أنا آمنت بالله خالق كل البرايا .. والبلا إني بنت بدو العشم فيها وفيه ..

جراح : الله يا عالم كل الخفايا .. اعلم ترى النيه عليها هديه ..

نوف : آه يا شعري ويادمعي وياكثر الخطايا .. وآه يا ناس وجودي بينهم لي منقديه ..

جراح : يا رب إنك تغفر لنا كل الخطايا .. وترزقنا الجنه مع الناس البريه ..

نوف : آه من يوم نجي قدام وجه الله عرايا .. مانشيل إلا الذنوب ولا نشيل إلا الخطيه ..

جراح : تصبح على خير يا زين الحلايا .. الله يغفر ذنوبك و يشيل عنك الخطيه ..

نوف : ماني من اللي تنزل راسها من الصبايا .. ولاني من اللي يذلون العمايم في بلاط المكرميه ..

جراح : وراك يا اريش العين تقسي عليه .. حكمن حكمته لاتسنده ليه ..

وصار يوم الأحد 20 /3 /2005
كان جراح يراسلني من غير مايدري أنا منو ؟!!

جراح : آه ياحلو الخطا من يوم جتني هالرساله .. وأنا ماني من رجالن الخطا يمشي عليه ..

نوف : روح دور غيرنا واحدن مرتاح باله .. وش اللي يجبرك يابن الحلال عليه ..

جراح : جبرني عليك الغلا والعشق لا تقطع وصاله .. والقلب لامنه عشق لاهو بيديك ولا بديه ..

نوف : عزتي والله نهتني عن عشقن هذا حاله .. ماني من اللي تنخدع في كلامن رديا ..
{ وجنب عن دربي أحسن لك }
جراح : بدون تهديد أنا بس ودي أعرف منو إنتي يابنت الحلال أنا قايلج أنا ماني راعي هالسوالف والمصخره والله يشهد علي .

نوف : أنا بنت لو تجيب لي هارون وكل ماله .. ما أرضى إني أسير في دروب كلها خطيه .. بنت شيخ في مكانه ولا مثاله .. اخت رجالن جنبوا عن دروب المنقديه ..

جراح : مات الرشيد ومات قدام ماله .. أصلي (.....) ما امشي بدروب الخطيه ..

نوف : يابن الحلال آسفه أنا بس كنت غلطانه والسموحه .

جراح : ردي على هالبيتين لمحمد الخس و أخلص ،،
(( ذبحتني ياسيد كل الرعابيب .. وفجيت قلبي يا أريش العين فجي .. فج مثل مضراب شلفا تراحيب .. شلفا تخلي الدم الأحمر يكجي .. ))

نوف : ترى وصلني منك حلو المكاتيب .. وعقلي من التفكير قام ينوح ويلجي .. ترى حياتي كلها بيد عالم الغيب .. وترى هوى الهموم بالليل يعجي ..

جراح : والله ما ادري شقول أقسم بالله إنج صج عذبتيني أنا صج يبي يصير فيني شي مدري ضغط سكري والسبه إنتي .
\\\\\\\\\
نطرت أيام و بدون تفكير الساعه 3 الفجر وكان جراح بدوانيتنا يلعب ورقه ..
دزيت له مسج : ممكن أقولك شغله ؟
جراح : ممكن شنو هي ؟
نوف : إنت جراح وأنا أحبك من 4 سنين وأعرف كل شي عنك
(( الظاهر انصدم وظل يدق يدق يدق وأنا ما أرد بس قلبي تقطع شلون أشوف حبيبي يدق وما أرد ؟!! ))
رديت و ليتني ما رديت والله بس اسمع صوته تنزل دموعي وسولفت معاه كانت أحلى لحظات حياتي
وكتبت هالأبيات لك ياجراح
{{ لا تجرح اللي بعمره حبك سنين .. وكافي جروح الناس وسهوم الأيام .. ولا تكثر بالحكي وتزيد ذاك الحنين .. ترى شوقي على شوفك مخلي حالتي تنضام .. لا تنشدني عن نفسي أنا داخلي شخصين .. واحد عايش لأجلك والثاني لأجل الأحلام .. سمعت انك تبي تعرس وصار الحمل داخلي حملين .. عسى ربي يهنيك و يبعد عنك الآلام .. واتركني أنا اعيش على العسر وإلا اللين .. وذي حالة الدنيا بها حظ وأقسام .. وإن مت بيبقى داخلي حبن دفين .. حب عاش فيني سنين وسامر وحشة الأنغام .. }}

ومن ثم صار وتفاجأت بمسج الساعه 5 الفجر!!!!!!!؟؟؟؟




يتبع في حلقة قادمة

[شآاكي زمآاني]

قـــصه جمـــيله


مشــكور اخـــوي


وانتـــــــــضر البـــقيه



لا عـدمنــــــــآآآك

[مساهير]

انورت صفحاتي بقدومك يا فارس الزمن النبيل
فشكراً لمرورك
وترقب الجديد

[منوله]

مشكور اخوي مساهير عالقصه

اتمنى تكمل البقيه

http://www.mdmn.net/uploads/e780eb8de1.gif (http://www.mdmn.net/)

[مساهير]

مشكورة على مرورك طيات صفحاتي انورت بقدومك
ترقبي الجديد انشاء الله

[رغد]

مشكوووور اخوي مساهير

والله يعطيك الف عااافيه

يــــــارب

تحياتي لك

[نزف المشاعر]

الف شكر موصل مني للك مساهير وانتضر بفارغ الصبر البقيه


بس لاتطول

[منوله]

مشكور اخوي مساهير

بس تراك طولت علينا هههه

[اميرة الاحزان]

يسلمو ويعطيك العافية

[عاشق بحر الهيام]

يسلموووووووووووو على القصه الرائعه بانتظار الجزء الاخر لاتطول علينا



تقبل تحيااااااتي